گئی بہار مگر اپنی بے خودی ہے وہی
سمجھ رہا ہوں کہ اب تک بہار باقی ہے

مبارک عظیم آبادی

---

---

نہ سیر باغ نہ ملنا نہ میٹھی باتیں ہیں
یہ دن بہار کے اے جان مفت جاتے ہیں

ناجی شاکر

---

---

میری آنکھوں میں ہیں آنسو تیرے دامن میں بہار
گل بنا سکتا ہے تو شبنم بنا سکتا ہوں میں

نشور واحدی

---

---

تیرے قربان قمرؔ منہ سر گلزار نہ کھول
صدقے اس چاند سی صورت پہ نہ ہو جائے بہار

قمر جلالوی

---

---

اے دل بے قرار چپ ہو جا
جا چکی ہے بہار چپ ہو جا

ساغر صدیقی

---

---

خوشی کے پھول کھلے تھے تمہارے ساتھ کبھی
پھر اس کے بعد نہ آیا بہار کا موسم

سلام سندیلوی

---

---

کیا اسی کو بہار کہتے ہیں
لالہ و گل سے خوں ٹپکتا ہے

سلام سندیلوی

---

---