میں اور اس غنچہ دہن کی آرزو
آرزو کی سادگی تھی میں نہ تھا

عبد الحمید عدم

---

---

مدعا دور تک گیا لیکن
آرزو لوٹ کر نہیں آئی

عبد الحمید عدم

---

---

تکمیل آرزو سے بھی ہوتا ہے غم کبھی
ایسی دعا نہ مانگ جسے بد دعا کہیں

ابو محمد سحر

---

---

سب خواہشیں پوری ہوں فرازؔ ایسا نہیں ہے
جیسے کئی اشعار مکمل نہیں ہوتے

احمد فراز

---

---

وہ جو رات مجھ کو بڑے ادب سے سلام کر کے چلا گیا
اسے کیا خبر مرے دل میں بھی کبھی آرزوئے گناہ تھی

احمد مشتاق

---

---

کیا وہ خواہش کہ جسے دل بھی سمجھتا ہو حقیر
آرزو وہ ہے جو سینہ میں رہے ناز کے ساتھ

اکبر الہ آبادی

---

---

رنگ و بو میں ڈوبے رہتے تھے حواس
ہائے کیا شے تھی بہار آرزو

اختر انصاری

---

---