ناامیدی بڑھ گئی ہے اس قدر
آرزو کی آرزو ہونے لگی

داغؔ دہلوی

---

---

نہیں نگاہ میں منزل تو جستجو ہی سہی
نہیں وصال میسر تو آرزو ہی سہی

فیض احمد فیض

---

---

یہ آرزو بھی بڑی چیز ہے مگر ہم دم
وصال یار فقط آرزو کی بات نہیں

فیض احمد فیض

---

---

جب کوئی نوجوان مرتا ہے
آرزو کا جہان مرتا ہے

فاروق نازکی

---

---

کسی سے شکوۂ محرومئی نیاز نہ کر
یہ دیکھ لے کہ تری آرزو تو خام نہیں

فگار اناوی

---

---

میری یہ آرزو ہے وقت مرگ
اس کی آواز کان میں آوے

غمگین دہلوی

---

---

حکایت عشق سے بھی دل کا علاج ممکن نہیں کہ اب بھی
فراق کی تلخیاں وہی ہیں وصال کی آرزو وہی ہے

غلام حسین ساجد

---

---