اپنی لغزش کو تو الزام نہ دے گا کوئی
لوگ تھک ہار کے مجرم ہمیں ٹھہرائیں گے

فاروق شفق

---

---

ہونے والا تھا اک حادثہ رہ گیا
کل کا سب سے بڑا واقعہ رہ گیا

فاروق شفق

---

---

اس سیہ خانے میں تجھ کو جاگنا ہے رات بھر
ان ستاروں کو نہ بے مقصد ہتھیلی پر بجھا

فاروق شفق

---

---

سامنے جھیل ہے جھیل میں آسماں
آسماں میں یہ اڑتا ہوا کون ہے

فاروق شفق

---

---

شہر کا منظر ہمارے گھر کے پس منظر میں ہے
اب ادھر بھی اجنبی چہرے نظر آنے لگے

فاروق شفق

---

---

شہر میں جینا ہے چلنا دو رخی تلوار پر
آدمی کس سے بچے کس کی طرف داری کرے

فاروق شفق

---

---

سنا ہے ہر گھڑی تو مسکراتا رہتا ہے
مجھے بھی جذب ذرا کر کے جسم و جاں میں ملا

فاروق شفق

---

---