بھٹک نہ جاتا اگر ذات کے بیاباں میں
تو میرا نقش قدم میرا راہبر ہوتا

فاروق نازکی

---

---

حصار خوف و ہراس میں ہے بتان وھم و گماں کی بستی
مجھے خبر ہی نہیں کہ اب میں جنوب میں یا شمال میں ہوں

فاروق نازکی

---

---

جب کوئی نوجوان مرتا ہے
آرزو کا جہان مرتا ہے

فاروق نازکی

---

---

جنوں آثار موسم کا پتہ کوئی نہیں دے گا
تجھے اے دشت تنہائی صدا کوئی نہیں دے گا

فاروق نازکی

---

---

کانچ کے الفاظ کاغذ پر نہ رکھ
سنگ معنی بن کے ٹکراؤں گا میں

فاروق نازکی

---

---

میں ہوں مضطرؔ بدن کی نگری میں
میرے حصے میں لا مکاں لکھنا

فاروق نازکی

---

---

مجھ سے کیا پوچھتے ہو نام پتہ
میں تو بس آپ کا ہی سایہ ہوں

فاروق نازکی

---

---