میں غرق ہو رہا تھا کہ طوفان عشق نے
اک موج بے قرار کو ساحل بنا دیا

دل شاہجہاں پوری

---

---

مئے کوثر کا اثر چشم سیہ فام میں ہے
ساقیٔ مست عجب کیف ترے جام میں ہے

دل شاہجہاں پوری

---

---

شباب ڈھلتے ہی آئی پیری مآل پر اب نظر ہوئی ہے
بڑی ہی غفلت میں شب گزاری کہاں پہنچ کر سحر ہوئی ہے

دل شاہجہاں پوری

---

---

وقت رخصت تسلیاں دے کر
اور بھی تم نے بیقرار کیا

دل شاہجہاں پوری

---

---

یہ بھیگی رات یہ ٹھنڈا سماں یہ کیف بہار
یہ کوئی وقت ہے پہلو سے اٹھ کے جانے کا

دل شاہجہاں پوری

---

---

اب مجھ کو اہتمام سے کیجے سپرد خاک
اکتا چکا ہوں جسم کا ملبہ اٹھا کے میں

دلاور علی آزر

---

---

بدن کو چھوڑ ہی جانا ہے روح نے آزرؔ
ہر اک چراغ سے آخر دھواں نکلتا ہے

دلاور علی آزر

---

---