عین فطرت ہے کہ جس شاخ پہ پھل آئیں گے
انکساری سے وہی شاخ لچک جائے گی

دواکر راہی

---

---

بات حق ہے تو پھر قبول کرو
یہ نہ دیکھو کہ کون کہتا ہے

دواکر راہی

---

---

بہت آسان ہے دو گھونٹ پی لینا تو اے راہیؔ
بڑی مشکل سے آتے ہیں مگر آداب مے خانہ

دواکر راہی

---

---

غصے میں برہمی میں غضب میں عتاب میں
خود آ گئے ہیں وہ مرے خط کے جواب میں

دواکر راہی

---

---

اس دور ترقی کے انداز نرالے ہیں
ذہنوں میں اندھیرے ہیں سڑکوں پہ اجالے ہیں

دواکر راہی

---

---

اس انتظار میں بیٹھے ہیں ان کی محفل میں
کہ وہ نگاہ اٹھائیں تو ہم سلام کریں

دواکر راہی

---

---

اس سے پہلے کہ لوگ پہچانیں
خود کو پہچان لو تو بہتر ہے

دواکر راہی

---

---