یہ راہ عشق ہے آخر کوئی مذاق نہیں
صعوبتوں سے جو گھبرا گئے ہوں گھر جائیں

دل ایوبی

---

---

آغاز محبت سے انجام محبت تک
گزرا ہے جو کچھ ہم پر تم نے بھی سنا ہوگا

دل شاہجہاں پوری

---

---

آرزو لطف طلب عشق سراسر ناکام
مبتلا زندگی دل انہیں اوہام میں ہے

دل شاہجہاں پوری

---

---

اثر عشق سے ہوں صورت شمع خاموش
یہ مرقع ہے مری حسرت گویائی کا

دل شاہجہاں پوری

---

---

ہم کو بے چین کئے جاتے ہیں
ہائے کیا شے وہ لئے جاتے ہیں

دل شاہجہاں پوری

---

---

حسن خود بیں کو ہوا اور سوا ناز حجاب
شوق جب حد سے بڑھا چشم تماشائی کا

دل شاہجہاں پوری

---

---

کیا جانے کس خیال سے چھوڑا پہ حال زار
مجھ پر بڑا کرم ہے مرے چارہ ساز کا

دل شاہجہاں پوری

---

---