thoDi si aql lae the hum bhi magar 'adam'
duniya ke hadsat ne diwana kar diya

Abdul Hamid Adam

---

---

aql mein jo ghir gaya la-intiha kyunkar hua
jo sama mein aa gaya phir wo KHuda kyunkar hua

Akbar Allahabadi

---

---

mazhabi bahs main ne ki hi nahin
faltu aql mujh mein thi hi nahin

from sectarian debate refrained
for I was not so scatter-brained

Akbar Allahabadi

---

---

aql ko tanqid se fursat nahin
ishq par aamal ki buniyaad rakh

Allama Iqbal

---

---

guzar ja aql se aage ki ye nur
charagh-e-rah hai manzil nahin hai

go beyond knowledge for its illumination
is the lamp to light the way, not the destination

Allama Iqbal

---

---

ilm mein bhi surur hai lekin
ye wo jannat hai jis mein hur nahin

Allama Iqbal

---

---

nikal ja aql se aage ki ye nur
charagh-e-rah hai manzil nahin hai

Allama Iqbal

---

---