میں تجھ کو جاگتی آنکھوں سے چھو سکوں نہ کبھی
مری انا کا بھرم رکھ لے میرے خواب میں آ

عبد اللہ کمال

---

---

تم تو اے خوشبو ہواؤ اس سے مل کر آ گئیں
ایک ہم تھے زخم تنہائی ہرا کرتے رہے

عبد اللہ کمال

---

---

وہ قیامت تھی کہ ریزہ ریزہ ہو کے اڑ گیا
اے زمیں ورنہ کبھی اک آسماں میرا بھی تھا

عبد اللہ کمال

---

---

گلچیں بہار گل میں نہ کر منع سیر باغ
کیا ہم غبار دامن باد صبا کے ہیں

عبداللہ خاں مہر لکھنوی

---

---

آواز دے رہا ہے اکیلا خدا مجھے
میں اس کو سن رہا ہوں ہواؤں کے کان سے

عبد الرحیم نشتر

---

---

اپنی ہی ذات کے صحرا میں سلگتے ہوئے لوگ
اپنی پرچھائیں سے ٹکرائے ہیولوں سے ملے

عبد الرحیم نشتر

---

---

دیکھ رہا تھا جاتے جاتے حسرت سے
سوچ رہا ہوگا میں اس کو روکوں گا

عبد الرحیم نشتر

---

---