یہ جو رہتے ہیں بہت موج میں شب بھر ہم لوگ
صبح ہوتے ہی کنارے پہ پڑے ہوتے ہیں

اظہر فراغ

---

---

یہ کچے سیب چبانے میں اتنے سہل نہیں
ہمارا صبر نہ کرنا بھی ایک ہمت ہے

اظہر فراغ

---

---

یہ خموشی مری خموشی ہے
اس کا مطلب مکالمہ لیا جائے

اظہر فراغ

---

---

یہ لوگ جا کے کٹی بوگیوں میں بیٹھ گئے
سمے کو ریل کی پٹری کے ساتھ چلنے دیا

اظہر فراغ

---

---

یہ نہیں دیکھتے کتنی ہے ریاضت کس کی
لوگ آسان سمجھ لیتے ہیں آسانی کو

اظہر فراغ

---

---

بس رنج کی ہے داستاں عنوان ہزاروں
جینے کے لئے مر گئے انسان ہزاروں

اظہر ہاشمی

---

---

دوام پائے گا اک روز حق زمانے میں
یہ انتظار نہیں انتظار وحشت ہے

اظہر ہاشمی

---

---