ٹھہرنا بھی مرا جانا شمار ہونے لگا
پڑے پڑے میں پرانا شمار ہونے لگا

اظہر فراغ

---

---

اس سے ہم پوچھ تھوڑی سکتے ہیں
اس کی مرضی جہاں رکھے جس کو

اظہر فراغ

---

---

اسے کہو جو بلاتا ہے گہرے پانی میں
کنارے سے بندھی کشتی کا مسئلہ سمجھے

اظہر فراغ

---

---

ویسے تو ایمان ہے میرا ان بانہوں کی گنجائش پر
دیکھنا یہ ہے اس کشتی میں کتنا دریا آ جاتا ہے

اظہر فراغ

---

---

وصل کے ایک ہی جھونکے میں
کان سے بالے اتر گئے

اظہر فراغ

---

---

وہ دستیاب ہمیں اس لئے نہیں ہوتا
ہم استفادہ نہیں دیکھ بھال کرتے ہیں

اظہر فراغ

---

---

یہ اعتماد بھی میرا دیا ہوا ہے تمہیں
جو میرے مشورے بیکار جانے لگ گئے ہیں

اظہر فراغ

---

---