رستے کی انجان خوشی ہے
منزل کا انجانا ڈر ہے

آصف ثاقب

---

---

سمیٹ لے گئے سب رحمتیں کہاں مہمان
مکان کاٹتا پھرتا ہے میزبانوں کو

آصف ثاقب

---

---

سینے کے بیچ ثاقبؔ ایسا ہے مرنا جینا
اک یاد جی اٹھی تھی اک یاد مر گئی ہے

آصف ثاقب

---

---

بعض چہرے بہت حسین سہی
پھر بھی کتنوں سے دوستی کی جائے

آصفہ نشاط

---

---

وہ میرے خواب لے کے سرہانے کھڑا رہا
میں سو رہی تھی اس نے جگایا نہیں مجھے

آصفہ نشاط

---

---

فائدہ کیا ہے نصیحت سے پھرے ہو ناصح
ہم سمجھنے کے نہیں لاکھ تو سمجھائے ہمیں

آصف الدولہ

---

---

ہم عشق کے بندہ ہیں مذہب سے نہیں واقف
گر کعبہ ہوا تو کیا بت خانہ ہوا تو کیا

آصف الدولہ

---

---