انتہائی حسین لگتی ہے
جب وہ کرتی ہے روٹھ کر باتیں

عاصمؔ واسطی

---

---

کہیں کہیں تو زمیں آسماں سے اونچی ہے
یہ راز مجھ پہ کھلا سیڑھیاں اترتے ہوئے

عاصمؔ واسطی

---

---

خشک رت میں اس جگہ ہم نے بنایا تھا مکان
یہ نہیں معلوم تھا یہ راستہ پانی کا ہے

عاصمؔ واسطی

---

---

کسی بھی کام میں لگتا نہیں ہے دل میرا
بڑے دنوں سے طبیعت بجھی بجھی سی ہے

عاصمؔ واسطی

---

---

کچھ وہ بھی طبیعت کا سکھی ایسا نہیں ہے
کچھ ہم بھی محبت میں قناعت نہیں کرتے

عاصمؔ واسطی

---

---

لوگ کہتے ہیں کہ وہ شخص ہے خوشبو جیسا
ساتھ شاید اسے لے آئے ہوا دیکھتے ہیں

عاصمؔ واسطی

---

---

میں انہماک میں یہ کس مقام تک پہنچا
تجھے ہی بھول گیا تجھ کو یاد کرتے ہوئے

عاصمؔ واسطی

---

---