کر رہا ہوں تجھے خوشی سے بسر
زندگی تجھ سے داد چاہتا ہوں

انجم سلیمی

---

---

خود تک مری رسائی نہیں ہو رہی ابھی
حیرت ہے اس طرف بھی نہیں ہوں جدھر میں ہوں

انجم سلیمی

---

---

کھلی ہوئی ہے جو کوئی آسان راہ مجھ پر
میں اس سے ہٹ کے اک اور رستہ بنا رہا ہوں

انجم سلیمی

---

---

خواب شرمندۂ وصال ہوا
ہجر میں نیند آ گئی تھی مجھے

انجم سلیمی

---

---

کس نے آباد کیا ہے مری ویرانی کو
عشق نے؟ عشق تو بیمار پڑا ہے مجھ میں

انجم سلیمی

---

---

کس شفقت میں گندھے ہوئے مولا ماں باپ دیے
کیسی پیاری روحوں کو میری اولاد کیا

انجم سلیمی

---

---

کس زمانے میں مجھ کو بھیج دیا
مجھ سے تو رائے بھی نہ چاہی مری

انجم سلیمی

---

---