بجھنے دے سب دیئے مجھے تنہائی چاہئے
کچھ دیر کے لیے مجھے تنہائی چاہئے

انجم سلیمی

---

---

چکھ رہا تھا میں اک بدن کا نمک
سارے برتن کھلے پڑے ہوئے تھے

انجم سلیمی

---

---

چل تو سکتا تھا میں بھی پانی پر
میں نے دریا کا احترام کیا

انجم سلیمی

---

---

درد سے بھرتا رہا ذات کے خالی پن کو
تھوڑا تھوڑا یوں ہی بھرپور کیا میں نے مجھے

انجم سلیمی

---

---

دوستو میرے لیے کوئی بھی افسردہ نہ ہو
خوش دلی سے دم رخصت مجھے رخصت کیا جائے

انجم سلیمی

---

---

ایک بے نام اداسی سے بھرا بیٹھا ہوں
آج دل کھول کے رونے کی ضرورت ہے مجھے

انجم سلیمی

---

---

ایک دن میری خامشی نے مجھے
لفظ کی اوٹ سے اشارہ کیا

انجم سلیمی

---

---