میں چیختا رہا کچھ اور بھی ہے میرا علاج
مگر یہ لوگ تمہارا ہی نام لیتے رہے

انجم سلیمی

---

---

میں دل گرفتہ تجھے گنگناتا رہتا ہوں
بہت دنوں سے مرے یار زیر لب ہے تو

انجم سلیمی

---

---

میں ایک ایک تمنا سے پوچھ بیٹھا ہوں
مجھے یقیں نہیں آتا کہ میرا سب ہے تو

انجم سلیمی

---

---

میں جس چراغ سے بیٹھا تھا لو لگائے ہوئے
پتہ چلا وہ اندھیرے میں رکھ رہا تھا مجھے

انجم سلیمی

---

---

میں خود سے مل کے کبھی صاف صاف کہہ دوں گا
مجھے پسند نہیں ہے مداخلت اپنی

انجم سلیمی

---

---

میں سب کا سب محبت کے لیے ہوں
سو لا محدود مدت کے لیے ہوں

انجم سلیمی

---

---

میرے چہرے پہ ہیں آنکھیں مرے سینے میں ہے دل
اس لیے تیری حفاظت نہیں کر سکتا میں

انجم سلیمی

---

---