زمانہ گزرا ہوا پھر سے یاد آنے لگا
نہ جانے کون مجھے خواب پھر دکھانے لگا

عنبر وسیم الہآبادی

---

---

نمود رنگ و بو نے مار ڈالا
اسی کی آرزو نے مار ڈالا

امین حزیں

---

---

رستے کی اونچ نیچ سے واقف تو ہوں امیںؔ
ٹھوکر قدم قدم پہ مگر کھا رہا ہوں میں

امین حزیں

---

---

تجھ کو تری ہی آنکھ سے دیکھ رہی ہے کائنات
بات یہ راز کی نہیں اپنا خود احترام کر

امین حزیں

---

---

یوں دل ہے سر بہ سجدہ کسی کے حضور میں
جیسے کہ غوطہ زن ہو کوئی بحر نور میں

امین حزیں

---

---

اب عناصر میں توازن ڈھونڈنے جائیں کہاں
ہم جسے ہم راز سمجھے پاسباں نکلا ترا

امین راحت چغتائی

---

---

ہم ایک جاں ہی سہی دل تو اپنے اپنے تھے
کہیں کہیں سے فسانہ جدا تو ہونا تھا

امین راحت چغتائی

---

---