آندھیوں کا کام چلنا ہے غرض اس سے نہیں
پیڑ پر پتا رہے گا یا جدا ہو جائے گا

علی احمد جلیلی

---

---

بن رہے ہیں سطح دل پر دائرے
تم نے تو پتھر کوئی پھینکا نہیں

علی احمد جلیلی

---

---

دور تک دل میں دکھائی نہیں دیتا کوئی
ایسے ویرانے میں اب کس کو صدا دی جائے

علی احمد جلیلی

---

---

ایک تحریر جو اس کے ہاتھوں کی تھی
بات وہ مجھ سے کرتی رہی رات بھر

علی احمد جلیلی

---

---

غم سے منسوب کروں درد کا رشتہ دے دوں
زندگی آ تجھے جینے کا سلیقہ دے دوں

علی احمد جلیلی

---

---

ہم نے دیکھا ہے زمانے کا بدلنا لیکن
ان کے بدلے ہوئے تیور نہیں دیکھے جاتے

علی احمد جلیلی

---

---

کاٹی ہے غم کی رات بڑے احترام سے
اکثر بجھا دیا ہے چراغوں کو شام سے

علی احمد جلیلی

---

---