یوں برستی ہیں تصور میں پرانی یادیں
جیسے برسات کی رم جھم میں سماں ہوتا ہے

قتیل شفائی

---

---

یوں لگے دوست ترا مجھ سے خفا ہو جانا
جس طرح پھول سے خوشبو کا جدا ہو جانا

قتیل شفائی

---

---

یوں تسلی دے رہے ہیں ہم دل بیمار کو
جس طرح تھامے کوئی گرتی ہوئی دیوار کو

قتیل شفائی

---

---

زندگی میں بھی چلوں گا ترے پیچھے پیچھے
تو مرے دوست کا نقش کف پا ہو جانا

قتیل شفائی

---

---

یہی تو ہوتا ہے شیشے کے کاروبار کا حشر
اجڑ گیا ہے اچانک ہرا بھرا بازار

قوس صدیقی

---

---

آ اے اثرؔ ملازم سرکار گریہ ہو
یاں جز گہر خزانے میں تنخواہ ہی نہیں

قائم چاندپوری

---

---

اہل مسجد نے جو کافر مجھے سمجھا تو کیا
ساکن دیر تو جانے ہیں مسلماں مجھ کو

قائم چاندپوری

---

---