فکر تعمیر میں ہوں پھر بھی میں گھر کی اے چرخ
اب تلک تو نے خبر دی نہیں سیلاب کے تئیں

قائم چاندپوری

---

---

گندمی رنگ جو ہے دنیا میں
میری چھاتی پہ مونگ دلتا ہے

قائم چاندپوری

---

---

گر یہی ناسازئ دیں ہے تو اک دن شیخ جی
پھر وہی ہم ہیں وہی بت ہے وہی زنار ہے

قائم چاندپوری

---

---

گرم کر دے تو ٹک آغوش میں آ
مارے جاڑے کے ٹھرے بیٹھے ہیں

قائم چاندپوری

---

---

گریہ تو قائمؔ تھما مژگاں ابھی ہوں گے نہ خشک
دیر تک ٹپکیں گے باراں کے شجر بھیگے ہوئے

قائم چاندپوری

---

---

ہاتھوں سے دل و دیدہ کے آیا ہوں نپٹ تنگ
آنکھوں کو روؤں یا میں کروں سرزنش دل

قائم چاندپوری

---

---

ہم دوانوں کو بس ہے پوشش سے
دامن دشت و چادر مہتاب

قائم چاندپوری

---

---