کیا بات کروں جو باتیں تم سے کرنی تھیں
اب ان باتوں کا وقت نہیں کیا بات کروں

احمد رضوان

---

---

مجھے یہ کیا پڑی ہے کون میرا ہم سفر ہوگا
ہوا کے ساتھ گاتا ہوں ندی کے ساتھ چلتا ہوں

احمد رضوان

---

---

اڑتی ہے خاک دل کے دریچوں کے آس پاس
شاید مکین کوئی نہیں اس مکان میں

احمد رضوان

---

---

یہ کون بولتا ہے مرے دل کے اندروں
آواز کس کی گونجتی ہے اس مکان میں

احمد رضوان

---

---

آنا ذرا تفریح رہے گی
اک محفل صدمات کریں گے

احمد صغیر صدیقی

---

---

چاہے ہیں تماشا مرے اندر کئی موسم
لاؤ کوئی صحرا مری وحشت کے برابر

احمد صغیر صدیقی

---

---

چراغ ان پہ جلے تھے بہت ہوا کے خلاف
بجھے بجھے ہیں تبھی آج بام و در میرے

احمد صغیر صدیقی

---

---