مری نظر میں گئے موسموں کے رنگ بھی ہیں
جو آنے والے ہیں ان موسموں سے ڈرنا کیا

مشفق خواجہ

---

---

نظر چرا کے وہ گزرا قریب سے لیکن
نظر بچا کے مجھے دیکھتا بھی جاتا تھا

مشفق خواجہ

---

---

یہ حال ہے مرے دیوار و در کی وحشت کا
کہ میرے ہوتے ہوئے بھی مکان خالی ہے

مشفق خواجہ

---

---

یہ لمحہ لمحہ زندہ رہنے کی خواہش کا حاصل ہے
کہ لحظہ لحظہ اپنے آپ ہی میں مر رہا ہوں میں

مشفق خواجہ

---

---

وہ سن سکیں کوئی عنواں اسی لیے ہم نے
بدل بدل کے انہیں داستاں سنائی ہے

مشیر جھنجھانوی

---

---

ہاتھ جو کھولا تو بچہ رو پڑا
بند مٹھی میں کوئی سکہ نہ تھا

مشتاق صدف

---

---

لفظ جب تک وضو نہیں کرتے
ہم تری گفتگو نہیں کرتے

مشتاق شاد

---

---