ایسا بھی کبھی ہو میں جسے خواب میں دیکھوں
جاگوں تو وہی خواب کی تعبیر بتائے

مصطفی شہاب

---

---

اپنی کشتی سر پہ رکھ کر چل رہے ہیں ہم شہابؔ
یہ بھی ممکن ہے کہ اگلے موڑ پر دریا ملے

مصطفی شہاب

---

---

بچھڑا وہ مجھ سے ایسے نہ بچھڑے کبھی کوئی
اب یوں ملا ہے جیسے وہ پہلے ملا نہ ہو

مصطفی شہاب

---

---

بکھرا بکھرا سا ساز و ساماں ہے
ہم کہیں دل کہیں عقیدہ کہیں

مصطفی شہاب

---

---

در کنج صدا بند کا کھولیں گے کسی روز
ہم لوگ جو خاموش ہیں بولیں گے کسی روز

مصطفی شہاب

---

---

دل سنبھالے نہیں سنبھلتا ہے
جیسے اٹھ کر ابھی گیا ہے کوئی

مصطفی شہاب

---

---

گو ترک تعلق میں بھی شامل ہیں کئی دکھ
بے کیف تعلق کے بھی آزار بہت ہیں

مصطفی شہاب

---

---