کچھ نہ پوچھو زاہدوں کے باطن و ظاہر کا حال
ہے اندھیرا گھر میں اور باہر دھواں بتی چراغ

احمد حسین مائل

---

---

کیا آئی تھیں حوریں ترے گھر رات کو مہماں
کل خواب میں اجڑا ہوا فردوس بریں تھا

احمد حسین مائل

---

---

میں ہی مومن میں ہی کافر میں ہی کعبہ میں ہی دیر
خود کو میں سجدے کروں گا دل میں تم ہو دل میں تم

احمد حسین مائل

---

---

میرا سلام عشق علیہ السلام کو
خسرو ادھر خراب ادھر کوہ کن خراب

احمد حسین مائل

---

---

مٹی کچھ بنی کچھ وہ تھی کچھ ہوئی کچھ
زباں تک مری داستاں آتے آتے

احمد حسین مائل

---

---

محبت نے مائلؔ کیا ہر کسی کو
کسی پر کسی کو کسی پر کسی کو

احمد حسین مائل

---

---

مجھ سے بگڑ گئے تو رقیبوں کی بن گئی
غیروں میں بٹ رہا ہے مرا اعتبار آج

احمد حسین مائل

---

---