مسلماں کافروں میں ہوں مسلمانوں میں کافر ہوں
کہ قرآں سر پہ بت آنکھوں میں ہے زنار پہلو میں

احمد حسین مائل

---

---

نئی صدا ہو نئے ہونٹ ہوں نیا لہجہ
نئی زباں سے کہو گر کہوں فسانۂ عشق

احمد حسین مائل

---

---

ناز کر ناز ترے ناز پہ ہے ناز مجھے
میری تنہائی ہے پرتو تری یکتائی کا

احمد حسین مائل

---

---

نیند سے اٹھ کر وہ کہنا یاد ہے
تم کو کیا سوجھی یہ آدھی رات کو

احمد حسین مائل

---

---

پیار اپنے پہ جو آتا ہے تو کیا کرتے ہیں
آئینہ دیکھ کے منہ چوم لیا کرتے ہیں

احمد حسین مائل

---

---

رمضاں میں تو نہ جا رو بہ رو ان کے مائلؔ
قبل افطار بدل جائے گی نیت تیری

احمد حسین مائل

---

---

ساری خلقت راہ میں ہے اور ہو منزل میں تم
دونوں عالم دل سے باہر ہیں فقط ہو دل میں تم

احمد حسین مائل

---

---