فرقت کی شب میں آج کی پھر کیا جلاویں گے
دل کا دیا تھا ایک سو کل ہی جلا دیا

میر حسن

---

---

غیر کہتے ہیں کہ ہم بیٹھنے دیویں گے نہ یاں
اب تو اس ضد سے جو کچھ ہووے سو ہو بیٹھے ہم

میر حسن

---

---

غیر کو تم نہ آنکھ بھر دیکھو
کیا غضب کرتے ہو ادھر دیکھو

میر حسن

---

---

غمزے نے لے کے دل کو ادا کے کیا سپرد
غمزے سے دل کو لیں کہ ادا سے طلب کریں

میر حسن

---

---

گر یہی تیرے اشارے ہیں تو مجلس سے تری
کوئی نہ کوئی آ کے اٹھا دیوے گا گو بیٹھے ہم

میر حسن

---

---

گو بھلے سب ہیں اور میں ہوں برا
کیا بھلوں میں برا نہیں ہوتا

میر حسن

---

---

گزری ہے رات مجھ میں اور دل میں طرفہ صحبت
ایدھر تو میں نے کی آہ اودھر سے وہ کراہا

میر حسن

---

---