آشنا بے وفا نہیں ہوتا
بے وفا آشنا نہیں ہوتا

میر حسن

---

---

اب جو چھوٹے بھی ہم قفس سے تو کیا
ہو چکی واں بہار ہی آخر

میر حسن

---

---

اپنے کہنے میں تو دل مطلق نہیں کس سے کہیں
کیا کریں اے ناصحو کچھ تو کرو ارشاد تم

میر حسن

---

---

اثر ہووے نہ ہووے پر بلا سے جی تو بہلے گا
نکالا شغل تنہائی میں میں ناچار رونے کا

میر حسن

---

---

اور کچھ تحفہ نہ تھا جو لاتے ہم تیرے نیاز
ایک دو آنسو تھے آنکھوں میں سو بھر لائیں ہیں ہم

میر حسن

---

---

بندا بتوں کا کس کے کہے سے ہوا یہ دل
حق کی طرف سے کیا اسے الہام کچھ ہوا

میر حسن

---

---

بس اب چوپڑ اٹھاؤ اور کچھ باتیں کریں صاحب
جو میں جیتا تو تم جیتے جو تم ہارے تو میں ہارا

میر حسن

---

---