دل اپنا انہیں باتوں سے اٹھ جاتا ہے تجھ سے
جا بیٹھے ہے تو مل کو جو ہر ناکس و کس میں

میر حسن

---

---

دل حسنؔ ایسے گم ہوئے کہ سدا
ایک کو ایک کا سراغ رہا

میر حسن

---

---

دل کو کس بو قلموں جلوہ نے ہے خون کیا
اشک آنکھوں سے جو یہ رنگ برنگ آتے ہیں

میر حسن

---

---

دل و جاں جو ہیں یہ سو اپنے نہیں
سمجھتے ہیں ان کو تو ہم آپ کا

میر حسن

---

---

دوستی کس سے نہ تھی کس سے مجھے پیار نہ تھا
جب برے وقت پہ دیکھا تو کوئی یار نہ تھا

میر حسن

---

---

دنیا ہے سنبھل کے دل لگانا
یاں لوگ عجب عجب ملیں گے

میر حسن

---

---

ایک دم بھی ملا نہ ہم کو قرار
اس دل بے قرار کے ہاتھوں

میر حسن

---

---