اظہار خموشی میں ہے سو طرح کی فریاد
ظاہر کا یہ پردہ ہے کہ میں کچھ نہیں کہتا

میر حسن

---

---

جان و دل ہیں اداس سے میرے
اٹھ گیا کون پاس سے میرے

میر حسن

---

---

جب دیکھو ہوں اس کو تو مجھے آتا ہے یہ رشک
کس کس کا یہ منظور نظر ہووے گا یا رب

میر حسن

---

---

جب لگے ہوں گے جدا حضرت دل ہم نے کہا
پھر بھی ملئے گا کبھی ہم سے کہا یا قسمت

میر حسن

---

---

جب سے جدا ہوا ہے وہ شوخ تب سے مجھ کو
نت آہ آہ کرنا اور زار زار رونا

میر حسن

---

---

جب تلک زر ہے تو سب کوئی ہے پھر کوئی نہیں
سچ ہے مکھی بھی رہے ہے شکر و شیر تلک

میر حسن

---

---

جیسے کہ آج وصل ہوا کیا نہ چاہیئے
اک دن بھی آوے ایسا اگر سو برس کے بیچ

میر حسن

---

---