تمہارے نام سے منسوب ہو جاتے ہیں دیوانے
یہ اپنے ہوش میں ہوتے تو پہچانے کہاں جاتے

مخمور دہلوی

---

---

گو عمر بھر نہ مل سکے آپس میں ایک بار
ہم ایک دوسرے سے جدا بھی نہ ہو سکے

مخمور جالندھری

---

---

موجودگئ جنت و دوزخ سے ہے عیاں
رحمت ہے ایک بحر مگر بیکراں نہیں

مخمور جالندھری

---

---

یہ فیض عشق تھا کہ ہوئی ہر خطا معاف
وہ خوش نہ ہو سکے تو خفا بھی نہ ہو سکے

مخمور جالندھری

---

---

اب آ گئے ہو تو ٹھہرو خرابۂ دل میں
یہ وہ جگہ ہے جہاں زندگی سنورتی ہے

مخمور سعیدی

---

---

بس یوں ہی ہم سری اہل جہاں ممکن ہے
دم بدم اپنی بلندی سے اترتا جاؤں

مخمور سعیدی

---

---

بجھتی آنکھوں میں سلگتے ہوئے احساس کی لو
ایک شعلہ سا چمکتا پس شبنم دیکھا

مخمور سعیدی

---

---