رخت سفر جو پاس ہمارے نہ تھا تو کیا
شوق سفر کو ساتھ لیا اور چل پڑے

مخمور سعیدی

---

---

روش روش پر باغ ہیں کانٹے کلیاں پھول
میں نے کانٹے چن لیے ہوئی یہ کیسی بھول

مخمور سعیدی

---

---

صاف بتا دے جو تو نے دیکھا ہے دن رات
دنیا کے ڈر سے نہ رکھ دل میں دل کی بات

مخمور سعیدی

---

---

سرخیاں خون میں ڈوبی ہیں سب اخباروں کی
آج کے دن کوئی اخبار نہ دیکھا جائے

مخمور سعیدی

---

---

تنہا تو رہ جائے گا کوئی نہ ہوگا ساتھ
جیسے ہی یہ لوگ ہیں پکڑ انہی کا ہاتھ

مخمور سعیدی

---

---

ان سے امید ملاقات کے بعد اے مخمورؔ
مدتوں تک نہ خود اپنے سے ملاقات ہوئی

مخمور سعیدی

---

---

زباں پہ شکر و شکایت کے سو فسانے ہیں
مگر جو دل پہ گزرتی ہے کیا کہا جائے

مخمور سعیدی

---

---