وہ لالہ بدن جھیل میں اترا نہیں ورنہ
شعلے متواتر اسی پانی سے نکلتے

محفوظ الرحمان عادل

---

---

وہ مری آوارہ گردی وہ مرا دیوانہ پن
وہ مری تعظیم میں دیوار و در کا جاگنا

محفوظ الرحمان عادل

---

---

یہ بھی ہے مارا ہوا ساقی کی چشم ناز کا
اس لئے عادلؔ کو شیشے کی پری اچھی لگی

محفوظ الرحمان عادل

---

---

زندگی کو حوصلہ دینے کے خاطر
خواہشوں کو ریزہ ریزہ چن رہا ہوں

محفوظ الرحمان عادل

---

---

اگر خموش رہوں میں تو تو ہی سب کچھ ہے
جو کچھ کہا تو ترا حسن ہو گیا محدود

ماہر القادری

---

---

عقل کہتی ہے دوبارہ آزمانا جہل ہے
دل یہ کہتا ہے فریب دوست کھاتے جائیے

ماہر القادری

---

---

اک بار تجھے عقل نے چاہا تھا بھلانا
سو بار جنوں نے تری تصویر دکھا دی

ماہر القادری

---

---