یہ زور برق و باد یہ طوفان الاماں
محروم ہو نہ جائیں کہیں آشیاں سے ہم

مہیش چندر نقش

---

---

یوں گزرتے ہیں ہجر کے لمحے
جیسے وہ بات کرتے جاتے ہیں

مہیش چندر نقش

---

---

یوں روٹھ کے جانے پہ میں خاموش ہوں لیکن
یہ بات مرے دل کو گوارا تو نہیں ہے

مہیش چندر نقش

---

---

آفتاب گرم سے دست و گریباں ہو گئے
دھوپ کی شدت سے سائے جب پریشاں ہو گئے

محفوظ الرحمان عادل

---

---

آپ نور افشاں ہیں رات کے اندھیرے میں
یا ستارے رقصاں ہیں رات کے اندھیرے میں

محفوظ الرحمان عادل

---

---

اب سر عام جدا ہوتے ہیں سر شانوں سے
اب یہ منظر ہے تعجب کا نہ حیرانی کا

محفوظ الرحمان عادل

---

---

اب تک اسی معمے میں الجھا ہوا ہوں میں
لائی ہے زندگی مجھے کیوں اس جہان تک

محفوظ الرحمان عادل

---

---