اغیار کا شکوہ نہیں اس عہد ہوس میں
اک عمر کے یاروں نے بھی دل توڑ دیا ہے

مہیش چندر نقش

---

---

اے نقشؔ کر رہا تھا جنہیں غرق ناخدا
طوفاں کے زور سے وہ سفینے ابھر گئے

مہیش چندر نقش

---

---

بہت دشوار تھی راہ محبت
ہمارا ساتھ دیتے ہم سفر کیا

مہیش چندر نقش

---

---

دنیا سے ہٹ کے اک نئی دنیا بنا سکیں
کچھ اہل آرزو اسی حسرت میں مر گئے

مہیش چندر نقش

---

---

ڈوبنے والے موج طوفاں سے
جانے کیا بات کرتے جاتے ہیں

مہیش چندر نقش

---

---

حال کہہ دیتے ہیں نازک سے اشارے اکثر
کتنی خاموش نگاہوں کی زباں ہوتی ہے

مہیش چندر نقش

---

---

اس ڈوبتے سورج سے تو امید ہی کیا تھی
ہنس ہنس کے ستاروں نے بھی دل توڑ دیا ہے

مہیش چندر نقش

---

---