دل ایک صدیوں پرانا اداس مندر ہے
امید ترسا ہوا پیار دیو داسی کا

کرشن موہن

---

---

جب بھی کی تحریر اپنی داستاں
تیری ہی تصویر ہو کر رہ گئی

کرشن موہن

---

---

جب بھی ملے وہ ناگہاں جھوم اٹھے ہیں قلب و جاں
ملنے میں لطف ہے اگر ملنا ہو کام کے بغیر

کرشن موہن

---

---

کریں تو کس سے کریں ذکر خانہ ویرانی
کہ ہم تو آگ نشیمن کو خود لگا آئے

کرشن موہن

---

---

کرشن موہنؔ یہ بھی ہے کیسا اکیلا پن کہ لوگ
موت سے ڈرتے ہیں میں تو زندگی سے ڈر گیا

کرشن موہن

---

---

مکاں اندر سے خستہ ہو گیا ہے
اور اس میں ایک رستہ ہو گیا ہے

کرشن موہن

---

---

وہ کیا زندگی جس میں جوشش نہیں
وہ کیا آرزو جس میں کاوش نہیں

کرشن موہن

---

---