main takiye par sitare bo raha hun
janam-din hai akela ro raha hun

Aitbar Sajid

---

---

man ki dua na bap ki shafqat ka saya hai
aaj apne sath apna janam din manaya hai

Anjum Saleemi

---

---

hamara zinda rahna aur marna ek jaisa hai
hum apne yaum-e-paidaish ko bhi barsi samajhte hain

Farhat Ehsas

---

---

hamari zindagi par maut bhi hairan hai 'ghaer'
na jaane kis ne ye tariKH-e-paidaish nikali hai

Kashif Husain Ghair

---

---

ghira hua hun janam-din se is taaqub mein
zamin aage hai aur aasman mere pichhe

Mohammad Izhar ul Haq

---

---

yahi wo din the jab ek dusre ko paya tha
hamari sal-girah Thik ab ke mah mein hai

Parveen Shakir

---

---

KHizan ki rut hai janam-din hai aur dhuan aur phul
hawa bikher gai mom-battiyan aur phul

Sabir Zafar

---

---