کس طرح دور ہوں آلام غریب الوطنی
زندگی خود بھی غریب الوطنی ہوتی ہے

جوشؔ ملسیانی

---

---

محبت کہاں یہ تو بے چارگی ہے ستم بھی سہیں پھر کرم اس کو سمجھیں
یہ جبر اس لیے کر لیا ہے گوارا کہ اس کے سوا کوئی چارا نہ دیکھا

جوشؔ ملسیانی

---

---

نقش الفت مٹ گیا تو داغ لفت ہیں بہت
شکر کر اے دل کہ تیرے گھر کی دولت گھر میں ہے

جوشؔ ملسیانی

---

---

پی لوگے تو اے شیخ ذرا گرم رہوگے
ٹھنڈا ہی نہ کر دیں کہیں جنت کی ہوائیں

جوشؔ ملسیانی

---

---

سوز غم ہی سے مری آنکھ میں آنسو آئے
سوچتا ہوں کہ اسے آگ کہوں یا پانی

جوشؔ ملسیانی

---

---

ان کے آنے کی خوشی کیا چیز تھی
اس خوشی سے اور غم پیدا ہوا

جوشؔ ملسیانی

---

---

وہی مرنے کی تمنا وہی جینے کی ہوس
نہ جفائیں تمہیں آئیں نہ وفائیں آئیں

جوشؔ ملسیانی

---

---