یا رہیں اس میں اپنے گھر کی طرح
یا مرے دل میں آپ گھر نہ کریں

جوشؔ ملسیانی

---

---

احوال دیکھ کر مری چشم پر آب کا
دریا سے آج ٹوٹ گیا دل حباب کا

جوشش عظیم آبادی

---

---

اے چرخ بے کسی پہ ہماری نظر نہ کر
جو کچھ کہ تجھ سے ہو سکے تو در گزر نہ کر

جوشش عظیم آبادی

---

---

اے زلف یار تجھ سے بھی آشفتہ تر ہوں میں
مجھ سا نہ کوئی ہوگا پریشان روزگار

جوشش عظیم آبادی

---

---

ایسی مرے خزانۂ دل میں بھری ہے آگ
فوارہ چھوٹتا ہے مژہ سے شرار کا

جوشش عظیم آبادی

---

---

اللہ تا قیامت تجھ کو رکھے سلامت
کیا کیا ستم نہ دیکھے ہم نے ترے کرم سے

جوشش عظیم آبادی

---

---

اپنا دشمن ہو اگر کچھ ہے شعور
انتظار وعدۂ فردا نہ کر

جوشش عظیم آبادی

---

---