محبت ایک طرح کی نری سماجت ہے
میں چھوڑوں ہوں تری اب جستجو ہوا سو ہوا

حسرتؔ عظیم آبادی

---

---

نا خلف بسکہ اٹھی عشق و جنوں کی اولاد
کوئی آباد کن خانۂ زنجیر نہیں

حسرتؔ عظیم آبادی

---

---

نبھے تھی آن انہوں کی ہمیشہ عشق میں خوب
تمہارے دور میں میری گدا ہوئیں آنکھیں

حسرتؔ عظیم آبادی

---

---

رہے ہے نقش میرے چشم و دل پر یوں تری صورت
مصور کی نظر میں جس طرح تصویر پھرتی ہے

حسرتؔ عظیم آبادی

---

---

ساقیا پیہم پلا دے مجھ کو مالا مال جام
آیا ہوں یاں میں عذاب ہوشیاری کھینچ کر

حسرتؔ عظیم آبادی

---

---

سجدہ گاہ برہمن اور شیخ ہیں دیر و حرم
مے پرستوں کے لیے بنیاد مے خانے ہوئے

حسرتؔ عظیم آبادی

---

---

سوگند ہے حسرت مجھے اعجاز سخن کی
یہ سحر ہیں جادو ہیں نہ اشعار ہیں تیرے

حسرتؔ عظیم آبادی

---

---