تا ابد خالی رہے یارب دلوں میں اس کی جا
جو کوئی لاوے مرے گھر اس کے آنے کی خبر

حسرتؔ عظیم آبادی

---

---

اٹھوں دہشت سے تا محفل سے اس کی
عتاب اس کا ہے ہر اک ہم نشیں پر

حسرتؔ عظیم آبادی

---

---

زاہدا کس حسن گندم گوں پہ ہے تیری نگاہ
آج تو میری نظر میں گونۂ آدم لگا

حسرتؔ عظیم آبادی

---

---

زلف کلمونہی کو پیارے اتنا بھی سر مت چڑھا
بے محابا منہ پہ تیرے پاؤں کرتی ہے دراز

حسرتؔ عظیم آبادی

---

---

دیوار ہے دنیا اسے راہوں سے ہٹا دے
ہر رسم محبت کو مٹانے کے لیے آ

حسرتؔ جے پوری

---

---

ہم راتوں کو اٹھ اٹھ کے جن کے لیے روتے ہیں
وہ غیر کی بانہوں میں آرام سے سوتے ہیں

حسرتؔ جے پوری

---

---

جب پیار نہیں ہے تو بھلا کیوں نہیں دیتے
خط کس لئے رکھے ہیں جلا کیوں نہیں دیتے

حسرتؔ جے پوری

---

---