بھر کے نظر یار نہ دیکھا کبھی
جب گیا آنکھ ہی بھر کر گیا

حسرتؔ عظیم آبادی

---

---

برا نہ مانے تو اک بات پوچھتا ہوں میں
کسی کا دل کبھی تجھ سے بھی خوش ہوا ہرگز

حسرتؔ عظیم آبادی

---

---

دنیا کا و دیں کا ہم کو کیا ہوش
مست آئے و بے خبر گئے ہم

حسرتؔ عظیم آبادی

---

---

گل کبھو ہم کو دکھاتی ہے کبھی سرو و سمن
اپنے گل رو بن ہمیں کیا کیا کھجاتی ہے بہار

حسرتؔ عظیم آبادی

---

---

ہم نہ جانیں کس طرف کعبہ ہے اور کیدھر ہے دیر
ایک رہتی ہے یہی اس در پہ جانے کی خبر

حسرتؔ عظیم آبادی

---

---

حق ادا کرنا محبت کا بہت دشوار ہے
حال بلبل کا سنا دیکھا ہے پروانے کو ہم

حسرتؔ عظیم آبادی

---

---

اس جہاں میں صفت عشق سے موصوف ہیں ہم
نہ کرو عیب ہمارے ہنر ذاتی کا

حسرتؔ عظیم آبادی

---

---