عشق میں خواب کا خیال کسے
نہ لگی آنکھ جب سے آنکھ لگی

حسرتؔ عظیم آبادی

---

---

کافر عشق ہوں اے شیخ پہ زنہار نہیں
تیری تسبیح کو نسبت مری زنار کے ساتھ

حسرتؔ عظیم آبادی

---

---

کھیلیں آپس میں پری چہرہ جہاں زلفیں کھول
کون پوچھے ہے وہاں حال پریشاں میرا

حسرتؔ عظیم آبادی

---

---

ماخوذ ہوگے شیخ ریا کار روز حشر
پڑھتے ہو تم عذاب کی آیات بے طرح

حسرتؔ عظیم آبادی

---

---

میں حسرتؔ مجتہد ہوں بت پرستی کی طریقت کا
نہ پوچھو مجھ کو کیسا کفر ہے اسلام کیا ہوگا

حسرتؔ عظیم آبادی

---

---

مے کشی میں رکھتے ہیں ہم مشرب درد شراب
جام مے چلتا جہاں دیکھا وہاں پر جم گئے

حسرتؔ عظیم آبادی

---

---

مت ہلاک اتنا کرو مجھ کو ملامت کر کر
نیک نامو تمہیں کیا مجھ سے ہے بد نام سے کام

حسرتؔ عظیم آبادی

---

---