جو بھی کہنا ہے کہو صاف شکایت ہی سہی
ان اشارات و کنایات سے جی ڈرتا ہے

حسن نعیم

---

---

جو میرے دشت جنوں میں تھا فرق روئے بہار
وہی خرد کے خرابے میں اک گلاب بنا

حسن نعیم

---

---

جرأت کہاں کہ اپنا پتہ تک بتا سکوں
جیتا ہوں اپنے ملک میں اوروں کے نام سے

حسن نعیم

---

---

کم نہیں اے دل بے تاب متاع امید
دست مے خوار میں خالی ہی سہی جام تو ہے

حسن نعیم

---

---

خیر سے دل کو تری یاد سے کچھ کام تو ہے
وصل کی شب نہ سہی ہجر کا ہنگام تو ہے

حسن نعیم

---

---

خلوت امید میں روشن ہے اب تک وہ چراغ
جس سے اٹھتا ہے قریب شام یادوں کا دھواں

حسن نعیم

---

---

کسی نے ڈوبتی صبحوں تڑپتی شاموں کو
غزل کے جام میں شب کا خمار بھیجا ہے

حسن نعیم

---

---