جھانکتا بھی نہیں سورج مرے گھر کے اندر
بند بھی کوئی دریچہ نہیں رہنے دیتا

غلام مرتضی راہی

---

---

جو اس طرف سے اشارہ کبھی کیا اس نے
میں ڈوب جاؤں گا دریا کو پار کرتے ہوئے

غلام مرتضی راہی

---

---

کہاں تک اس کی مسیحائی کا شمار کروں
جہاں ہے زخم وہیں اندمال ہے اس کا

غلام مرتضی راہی

---

---

کیسا انساں ترس رہا ہے جینے کو
کیسے ساحل پر اک مچھلی زندہ ہے

غلام مرتضی راہی

---

---

کسی کی راہ میں آنے کی یہ بھی صورت ہے
کہ سایہ کے لیے دیوار ہو لیا جائے

غلام مرتضی راہی

---

---

کسی نے بھیج کر کاغذ کی کشتی
بلایا ہے سمندر پار مجھ کو

غلام مرتضی راہی

---

---

کتنا بھی رنگ و نسل میں رکھتے ہوں اختلاف
پھر بھی کھڑے ہوئے ہیں شجر اک قطار میں

غلام مرتضی راہی

---

---