مذہب کی خرابی ہے نہ اخلاق کی پستی
دنیا کے مصائب کا سبب اور ہی کچھ ہے

فراق گورکھپوری

---

---

میری گھٹی میں پڑی تھی ہو کے حل اردو زباں
جو بھی میں کہتا گیا حسن بیاں بنتا گیا

فراق گورکھپوری

---

---

پردۂ لطف میں یہ ظلم و ستم کیا کہیے
ہائے ظالم ترا انداز کرم کیا کہیے

فراق گورکھپوری

---

---

قرب ہی کم ہے نہ دوری ہی زیادہ لیکن
آج وہ ربط کا احساس کہاں ہے کہ جو تھا

فراق گورکھپوری

---

---

رات بھی نیند بھی کہانی بھی
ہائے کیا چیز ہے جوانی بھی

فراق گورکھپوری

---

---

رفتہ رفتہ غیر اپنی ہی نظر میں ہو گئے
واہ ری غفلت تجھے اپنا سمجھ بیٹھے تھے ہم

فراق گورکھپوری

---

---

رونے کو تو زندگی پڑی ہے
کچھ تیرے ستم پہ مسکرا لیں

فراق گورکھپوری

---

---