طوفاں اٹھا رہا ہے مرے دل میں سیل اشک
وہ دن خدا نہ لائے جو میں آب دیدہ ہوں

نظیر اکبرآبادی

---

---

تو جو کل آنے کو کہتا ہے نظیرؔ
تجھ کو معلوم ہے کل کیا ہوگا

نظیر اکبرآبادی

---

---

تو ہے وہ گل اے جاں کہ ترے باغ میں ہے شوق
جبریل کو بلبل کی طرح نعرہ زنی کا

نظیر اکبرآبادی

---

---

سرسبز رکھیو کشت کو اے چشم تو مری
تیری ہی آب سے ہے بس اب آبرو مری

نظیر اکبرآبادی

---

---

سنو میں خوں کو اپنے ساتھ لے آیا ہوں اور باقی
چلے آتے ہیں اٹھتے بیٹھتے لخت جگر پیچھے

نظیر اکبرآبادی

---

---

شہر دل آباد تھا جب تک وہ شہر آرا رہا
جب وہ شہر آرا گیا پھر شہر دل میں کیا رہا

نظیر اکبرآبادی

---

---

شب کو آ کر وہ پھر گیا ہیہات
کیا اسی رات ہم کو سونا تھا

نظیر اکبرآبادی

---

---

تر رکھیو سدا یارب تو اس مژۂ تر کو
ہم عطر لگاتے ہیں گرمی میں اسی خس کا

نظیر اکبرآبادی

---

---

سرچشمۂ بقا سے ہرگز نہ آب لاؤ
حضرت خضر کہیں سے جا کر شراب لاؤ

نظیر اکبرآبادی

---

---