مت پونچھ ابروئے عرق آلود ہاتھ سے
لازم ہے احتیاط کہ ہے آب دار تیغ

میر حسن

---

---

میں حشر کو کیا روؤں کہ اٹھ جانے سے تیرے
برپا ہوئی اک مجھ پہ قیامت تو یہیں اور

میر حسن

---

---

مرے آئینۂ دل کا اسے منظور تھا لینا
جو غیروں میں کہا بھونڈا برا بد رنگ ناکارہ

میر حسن

---

---

مژگاں سے اس کے کیوں کر دل چھٹ سکے ہمارا
گھیرے ہوے ہیں اس کو وے خار سب طرف سے

میر حسن

---

---

محبت کا رستہ عجب گرم تھا
قدم جب دھرا خاک پر جل گیا

میر حسن

---

---

مو سے سپید نے نمک اس میں ملا دیا
کیفیت اب رہی نہیں جام شراب میں

میر حسن

---

---

نہ غرض مجھ کو ہے کافر سے نہ دیں دار سے کام
روز و شب ہے مجھے اس کاکل خم دار سے کام

میر حسن

---

---

نہ لیٹ اس طرح منہ پر زلف کو بکھرا کے اے ظالم
ذرا اٹھ بیٹھ تو اس دم کہ دونوں وقت ملتے ہیں

میر حسن

---

---

ناخن نہ پہنچا آبلۂ دل تلک حسنؔ
ہم مر گئے یہ ہم سے نہ آخر گرہ گئی

میر حسن

---

---