کوچۂ یار ہے اور دیر ہے اور کعبہ ہے
دیکھیے عشق ہمیں آہ کدھر لاوے گا

میر حسن

---

---

کیا جانئے کہ باہم کیوں ہم میں اور اس میں
موقوف ہو گیا ہے اب وہ تپاک ہونا

میر حسن

---

---

کیا شکوہ کریں کنج قفس کا دل مضطر
ہم نے تو چمن میں بھی ٹک آرام نہ پایا

میر حسن

---

---

لگایا محبت کا جب یاں شجر
شجر لگ گیا اور ثمر جل گیا

میر حسن

---

---

میں بھی اک معنیٔ پیچیدہ عجب تھا کہ حسنؔ
گفتگو میری نہ پہنچی کبھی تقریر تلک

میر حسن

---

---

مانند عکس دیکھا اسے اور نہ مل سکے
کس رو سے پھر کہیں گے کہ روز وصال تھا

میر حسن

---

---

ناخن نہ پہنچا آبلۂ دل تلک حسنؔ
ہم مر گئے یہ ہم سے نہ آخر گرہ گئی

میر حسن

---

---

کیوں ان دنوں حسنؔ تو اتنا جھٹک گیا ہے
ظالم کہیں ترا دل کیا پھر اٹک گیا ہے

میر حسن

---

---

کیوں گرفتاری کے باعث مضطرب صیاد ہوں
لگتے لگتے جی قفس میں بھی مرا لگ جائے گا

میر حسن

---

---