ترے سوا کوئی کیسے دکھائی دے مجھ کو
کہ میری آنکھوں پہ ہے دست غائبانہ ترا
عرفانؔ صدیقی
ٹیگز:
| 2 لائنیں شیری |
سنا تھا میں نے کہ فطرت خلا کی دشمن ہے
سو وہ بدن مری تنہائیوں کو پاٹ گیا
عرفانؔ صدیقی
ٹیگز:
| 2 لائنیں شیری |
شعلۂ عشق بجھانا بھی نہیں چاہتا ہے
وہ مگر خود کو جلانا بھی نہیں چاہتا ہے
عرفانؔ صدیقی
ٹیگز:
| 2 لائنیں شیری |
شمع خیمہ کوئی زنجیر نہیں ہم سفراں
جس کو جانا ہے چلا جائے اجازت کیسی
عرفانؔ صدیقی
ٹیگز:
| اعجاز |
| 2 لائنیں شیری |
بدن میں جیسے لہو تازیانہ ہو گیا ہے
اسے گلے سے لگائے زمانہ ہو گیا ہے
عرفانؔ صدیقی
ہم نے مدت سے الٹ رکھا ہے کاسہ اپنا
دست دادار ترے درہم و دینار پہ خاک
عرفانؔ صدیقی
ٹیگز:
| 2 لائنیں شیری |
ہم نے دیکھا ہی تھا دنیا کو ابھی اس کے بغیر
لیجئے بیچ میں پھر دیدۂ تر آ گئے ہیں
عرفانؔ صدیقی
ٹیگز:
| 2 لائنیں شیری |
ہم کون شناور تھے کہ یوں پار اترتے
سوکھے ہوئے ہونٹوں کی دعا لے گئی ہم کو
عرفانؔ صدیقی
ٹیگز:
| 2 لائنیں شیری |
ہم بڑے اہل خرد بنتے تھے یہ کیا ہو گیا
عقل کا ہر مشورہ دیوانہ پن لگنے لگا
عرفانؔ صدیقی
ٹیگز:
| 2 لائنیں شیری |